Гарәп Әмирлекләренең Шарджа шәһәрендә гомер итүче милләттәшебез Исмәгыйль Шәңгәрәевны белмәгән кеше сирәктер. Ул шушы дәүләткә килеп төпләнеп, үз бәхетен тапкан шәхес. Исмәгыйль әфәнденең биредә берничә төрле юнәлештә үз эше гөрләп бара. Ул – эре эшмәкәр. Күркәм гаиләсе бар, үз янына күпме мөсафир милләттәшләребезне туплаган. Бу гаҗәеп көчле, акыллы, тәвәккәл ир-егет турында сөйләми мөмкин түгел.